تانرینین آدیله
یوخدی ابداً خویدا نه تغییر نه ترّقی
بو عصریده کی شهرلرئولموش مترّقی
هامّی چالشیر تازه اِئده جامه ی دلقی
دنیا چالشیب رشد اِئلیه فوری و برقی
هر شهره گِئدیرسن گؤروسن آشکارا فرقی
یوخدی ابداً خویدا نه تغییر نه ترقّی
هر کیمسه گِئده بیرنِئچه ایل خویدان اوزاقه
تهرانه و یا ترکیه و شام و عراقه
نیم قرن گِئچه ایستیه گلسین بو اجاقه
کئش قویماق همین قشقراجاقدی جیرا حلقی
یوخدی ابداً خویدا نه تغییر نه ترقّی
هر شهره گِئدیرسن دولودور زیرگذریلن
هم روگذریلن،اتوبانلان خبریلن
البتّه بیزیم شهریده،سرعت گیریلن دردِسریلن
هانچی جهته سن باخاسان غربی و شرقی
یوخدی ابداً خویدا نه تغییر نه ترقّی
ایلر بویودی واردی گنه دار خیابانلار
یوخ اشتباه اُلدی!خیابان یوخ کی دالانلار!
بیکار دولنیلر بو دالانلاردا جوانلار
بیکارلیق ئوزی- سیز بولوسیز- چوخ یکه ددّی
یوخدی ابداً خویدا نه تغییر نه ترقّی
چون رد اَلوسان شهرِ مرندی اتوباندیر
چون سلماسی چخدن ئویانا قصّه هماندیر
خوی جادّه لری هامّسی آمّا جان آلاندیر
بو جادّه تصادفده ئولوب عامل قطعی
یوخدی ابداً خویدا نه تغییر نه ترقّی
هرکس کی گلیب شورائولور، رهلیری جدول
سابق رقیبین جدولینی ایلیری منحل!
چوخ مبتکر انساندی ادیر مشکلاتی حل!
هم رنگ الییر جدولی هم بینوا خلقی!
یوخدی ابداً خویدا نه تغییر نه ترقّی
هر ایلده گلیب سِئل گؤتورر جادّه قطوری
آسفالت الدیقجه بویولی سِئل اوچودوری
بو یول گؤرسن هانچی زمان پس گوتولوری
چوخ چوخ چتین ایشدی ایلمه ساده تلقّی!
یوخدی ابداً خویدا نه تغییر نه ترقّی
باخ مولویدن ترکیه نه بهره لر آلمیش
هر ایل کچری شوکت و شأنی لاپ اوجالمیش
آمّا نیه پس شوکت شمس خویدا آزالمیش؟
گویا بیزه تک خویدا قالیب حبس ابددی
یوخدی ابداً خویدا نه تغییر نه ترقّی
خوی شهر ابوالقاسم و شهرعلمادیر
خوی مأمن دین ، شهرحدیث ، دارصفادیر
بیربیله دالا قالماقی چوخ جور و جفادیر
واجیبدی هر انسانه دئیه دوز سؤزی حقّی
یوخدی ابداًخویدا نه تغییر نه ترقّی
شاعیر ایلبیر کی ایپینی چوخ اوزادیبدیر
گِئدیقجه سسین مردم ایچینده اوجادیبدیر
یوخدی اثری،سؤز اشیدنلر آزالیبدیر!
قوی هرنه گوجی وار چیقیرا پاتدیا فتقی!
یوخدی ابداً خویدا نه تغییر نه ترقّی
نظرات شما عزیزان:
:: برچسب‌ها:
شعر ترکی, 
<-PollName->
آمار
وب سایت:
